sab kahte hain,
bahot chup rahte ho tum
kabhi kuchh kahte hi nahi!
par vo nahi jante
kitne vachal ho tum,
kitna kuchh kah jate ho
lekin koi sun hi nahi pata
ankahe shabd,
utar ate hain tumhari ankhon me
ek bhasha ban kar
aur jab apni inhi ankhon se bolte ho tum
sunti hun main mantramugdh si
lagta hai tum tum nahi,manu ho
aur main tumhari shraddha
ek divya purush ho tum
aur main tumhari sadhika.
prabhamandal alokit ho utha hai
tumhare charo taraf
jo dheere dheere mujhe bhi
khud me samet raha hai
maine dekha hai inhi ankhon me
dher sara vishwas,
jo mujhe shakti deta hai,
asimit sneh,
mera sambal hai jo.
kamp uthti hun main ye soch kar
kya hota agar
ye ankhein nahi hoti!!!!!!
Hi dear, welcome to blog world
Hmmm…beautiful poem! Ankhein to bin juban ke bahut kuch bol jati hai….jo samjhe wo samjhdar aur jo na samjhe wo nasamajh
wid luv.
yun to bahot kuchh kahti hain
aksar magar chup rahti hain
jab mud ke dekhein ye yun hi
kitni sargoshiyan ye sahti hain
yun muskurayein to bhi ye
chhalkati kitni sadgi
jab uth ke jhuke,jhuk ke uthe
de jati phir nayi zindagi
yun samne to kahne pe
dheere se mujhko dant den
par aaj muhko bhi jara
kahna hai jo kah lene do
kal jo jhukaye sar jara
khoi si apni kitab me
kona kalam ka tham kar
baithi thi tum gum si bhala
yun khoye khoye hi jara
ek lat lapeti ungli pe
bikhre hue se balon ko
kano pe ja thahra diya
lagta tha mano ek pratima
yun hi kuchh vachal si hai
yun to sare jawab janti hai
par khud me hi sawal si hai
kuchh na kaha maine magar
sar ko jhukana hi pada
teri sadgi anmol hai
ye kahne ana hi pada
Visarpi
Naam to achha choose kia hai
nice poem
kind of draws pic in mind
Nice poem.seems you write in all styles.but this is the first time i am seeing you writing in free style.
kamp uthti hun main ye soch kar
kya hota agar
ye ankhein nahi hoti!!!!!!
gr8 …dear …hope to see more of your original creations
aaankhen bhi hoti hain dil ki zubaaan…..
regds
Jitender Singh
hmmmm…achhi rachana hai…dil ke aar paar ho gayi, dil blast ho chuka hai….i hope, is type ki rachnayein nahi likhengi aap.
waise ye rachana hai kaun?
aise tu bahut sahi likha hai…. but fir bhi… ye padho
Aankhen Bhi Hoti Hai Dil Ki Zubaan
Aankhen Bhi Hoti Hai Dil Ki Zubaan
Bin Bole Kardeti Hai Halat Yeh Pal Mein Bayan
Aankhen Bhi Hoti Hai Dil Ki Zubaan
Bin Bole Kardeti Hai Halat Yeh Pal Mein Bayan
Aankhen Bhi Hoti Hai Dil Ki Zubaan
Khamoshi Bhi To Pyaar Mein
Rakhti Bahut Yeh Asar Hai
Kab Ishq Hojaye Yaha Dil Ko Kahan Yeh Khabar Hai
Do Din Bhi Yeh Silsile Chup Sake Hai Kahan
Aankhen Bhi Hoti Hai Dil Ki Zubaan
Aankhen Bhi Hoti Hai Dil Ki Zubaan
Hume Neend Aye Na Jab Aankhon Mein
Badhne Lage Bekarari
Shabnam Ko Bhi Chune Se Jab
Mehsoos Ho Chingari
To Aisa Kyon Lagta Hai
Ek Hai Zameen Aasmaan
Aankhen Bhi Hoti Hai Dil Ki Zubaan
Aankhen Bhi Hoti Hai Dil Ki Zubaan
Bin Bole Kar deti Hai Halat Yeh Pal Mein Bayan
Bin Bole Kar deti Hai Halat Yeh Pal Mein Bayan
ab bol…. kaisa laga….
main toh kamp utha hun
yeh soch kar kya hota,
agar itne acche rachnakar nahi hote….
it’s wonderful..
A Lovely poem indeed !